02 Avqust 2021, 10:49

Xəbəri "Bursaspor"un İdarə Həyətinin sədri Emin Adanur təsdiq edib: "Namikin transferində bu pisliyi skaut heyətimizdən Gökhan bəy üzə çıxardı. O, mənə yaxınlaşaraq "Bu futbolçunu biz tapdıq, araya menecerlər girdi" dedi. Bu səbəbdən transfer ləğv edildi".

"Neftçi"nin və millimizin futbolçusu Namik Ələskərovun Türkiyənin "Bursaspor" klubuna keçidinin baş tutmamasının səbəbi açıqlanıb. Matc.az Türkiyə mediasına istinadən xəbər verir ki, Bursa təmsilçisi futbolçumuzla ilkin razılıq əldə edib. Lakin sonradan danışıqlarda yer almayan iki menecer ortaya çıxıb. Onlar "Bursaspor" klubundan 100 min avro pul tələb edib. Bu səbəbdən də transfer baş tutmayıb.
 
Xəbəri "Bursaspor"un İdarə Həyətinin sədri Emin Adanur təsdiq edib: "Namikin transferində bu pisliyi skaut heyətimizdən Gökhan bəy üzə çıxardı. O, mənə yaxınlaşaraq "Bu futbolçunu biz tapdıq, araya menecerlər girdi" dedi. Bu səbəbdən transfer ləğv edildi". 
 
Qeyd edək ki, 2017-ci ildən "Neftçi"də çıxış edən Ələskərov ötən mövsüm Premyer Liqanın bombardiri olub (19 qol). Əvvəllər "Bakı", "Qarabağ" və "Kəpəz"də top qovan 26 yaşlı yarımmüdafiəçi Azərbaycan millisində 24 oyun keçirib. Namik iki dəfə Azərbaycan çempionu və iki dəfə ölkə kubokunun qalibi olub.

XƏBƏRİ PAYLAŞ
  • gplus
  • pinterest