31 Avqust 2021, 00:54

Azərbaycan çempionu "Neftçi" heyətini yeni futbolçu ilə gücləndirməyə hazırlaşır. Matc.az xəbər verir ki, paytaxt klubunun maraq Ramon Maşadodur.
 
"Ağ-qaralar" artıq 30 yaşlı braziliyalı hücumçu ilə razılığa gəlib. Son iş yeri "Brazil de Pelotas" klubu olan oyunçunun tezliklə rəsmi müqaviləyə imza atması gözlənilir.
 
Ramon karyerası ərzində "Yan Regensburq", "Esportivo", "Boa Esporte", "Lajeadense", "Ponte Preta", "Yuventude", "Vila Nova", "İtuano", "Parana", "Santo Andre", "Botafoqo-PB" kimi komandalarda da forma geyinib.
 
"Neftçi"nin danışıq apardığı digər hücumçu isə İspaniyadan olan Rodri Riosdur. 31 yaşlı forvard son olaraq "Ovyedo" komandasında forma geyinib. "Sevilya"nın yetirməsi olan, peşəkar karyerasına da La Liqa klubunda başlamış futbolçu, "Barselona"nın B komandasında, "Şeffild Uensdey", "Saraqosa", "Almeriya", "1860 Münhen", "Valyadolid", "Kordoba", "Kultural Leonesa", "Qranada" və "Bristol Siti"də də forma geyinib. Rodri həm də İspaniyanın U-21 yığmasının üzvü olub.
 

XƏBƏRİ PAYLAŞ
  • gplus
  • pinterest