"Omoniya"da amerikalı yarımmüdafiəçi Miks Diskerudun hələ bir neçə matçı buraxacağı daha əvvəldən bilinirdi. Vitse-kapitan Yannis Kousoulos isə 2 aydır ki, komandadan ayrıdır və yaşıl meydanlara qayıdacağı vaxt bəlli deyil.

Konfrans Liqasının qrup mərhələsində "Qarabağ"la qarşılaşacaq "Omoniya" (Kipr) klubunda heyətlə bağlı problemlər var. Matc.az xəbər verir ki, bu barədə Kipr mətbuatı məlumat yayıb.
 
Xəbərdə, komandanın baş məşqçisi Henninq Berqin "Qarabağ"la oyundan əvvəl heyətlə bağlı narahatlığının olduğu bildirilib.
 
"Omoniya"da amerikalı yarımmüdafiəçi Miks Diskerudun hələ bir neçə matçı buraxacağı daha əvvəldən bilinirdi. Vitse-kapitan Yannis Kousoulos isə 2 aydır ki, komandadan ayrıdır və yaşıl meydanlara qayıdacağı vaxt bəlli deyil. Yarımmüdafiəçi Erik Boteakın durumu isə qeyri-müəyyəndir. Son bir həftədə komandayla məşqlərə qoşulan Eriklə bağlı son qərarı Berq verəcək.
 
Sentyabrın 29-da keçiriləcək "Omoniya" – "Qarabağ" oyunu saat 23:00-da başlayacaq.

XƏBƏRİ PAYLAŞ
  • gplus
  • pinterest