Futbol üzrə Avropa Konfrans Liqasının qrup mərhələsinin 3-cü turu çərçivəsində Norveçin "Bodo Qlimt" komandası ilə oyun "Roma"nın baş məşqçisi Joze Mourinyo üçün antirekordla yadda qalıb. Matc.az xəbər verir ki, portuqaliyalı mütəxəssisin çalışdırdığı komanda Norveçdə baş tutan bu oyunda 1:6 hesabıyla uduzub.
 
Mourinyonun rəhbərlik etdiyi bir komanda ilk dəfə qapısından 6 top buraxıb. Buna qədər 58 yaşlı mütəxəssisin ən ağır yenilgisi "Real"ı çalışdırdığı dönəmdə "Barselona" ilə oyunda olub – 0:5.
 
Mourinyo məşqçilik karyerasına 2002-ci ildə başlayıb. 58 yaşlı mütəxəssis bu müddət ərzində "Benfika", "Uniao de Leyrya", "Portu", "çelsi", "İnter", "Real", "Mançester Yunayted" və "Tottenhem"i çalışdırıb. Mourinyo baş məşqçi kimi 1008 matçda komandalarının başında olub.
 
Portuqaliyalı mütəxəssisin ən ağır məğlubiyyətləri:
 
"Roma" – "Bodo Qlimt" 1:6
"Real" – "Barselona" 0:5
"Mançester Yunayted" – "çelsi" 0:4
"Real" – "Borussiya" (Dortmund) 1:4
"çelsi" – "Liverpul" 1:4
 

XƏBƏRİ PAYLAŞ
  • gplus
  • pinterest