Futbol üzrə İngiltərə Premyer Liqasının 9-cu turuna "Mançester Yunayted" – "Liverpul" matçı damğa vurdu. Matc.az xəbər verir ki, "qırmızı şeytanlar" prinsipial rəqiblərindən birinə doğma meydanda 0:5 hesabıyla uduzdu.
Bu tarixi nəticə özü ilə yanaşı yeni rekordlar da gətirdi. Belə ki, "Mançester Yunayted" Premyer Liqada ilk dəfə birinci hissədə qapısında 4 qol görüb.
Bu oyunda üç qola imza atan "Liverpul"un misirli hücumçusu Məhəmməd Salah "qırmızı şeytanlar"a qarşı səfər oyununda het-trik edən ilk futbolçu kimi tarixə düşdü.
"Mançester Yunayted" 1925-ci ildən bəri ilk dəfə "Liverpul"a öz meydanında belə böyük hesabla uduzdu. "Qırmızı şeytanlar" həmin vaxt da məhz 0:5 hesabıyla məğlub olmuşdu. Bu komanda 1955-ci ildən bəri ilk dəfə öz meydanında qol vurmadan 5 qola üzülüb. Həmin vaxt "Mançester Siti" əzəli rəqibini səfərdə 5:0 hesabıyla üstələmişdi.
Bu oyundakı het-triki sayəsində "Liverpul"un heyətində vurduğu qolların sayını 106-ya çatdıran Məhəmməd Salah daha bir ilkə imza atıb. O, Didye Droqbanı geridə qoyaraq "Liverpul" tarixinin Premyer Liqada ən çox qol vuran afrikalı futbolçusu olub.
"Liverpul"u 330-cu matça çıxaran Yurgen Klopp da ilkə imza atıb. O, bu komandaya 200-cü dəfə qələbə qazandırıb. Almaniyalı mütəxəssis 200 qələbə sayına ən tez çatan "Liverpul"lu məşqçi olub.
XƏBƏRİ PAYLAŞ
Xəbərlər
“Bavariya” Musiala ilə bağlı qərarını
"Sumqayıt" səfərdə "Turan Tovuz"a qalib
“O, dünyanın ən yaxşı məşqçisidi”
Paytaxt klubu mübarizəyə qoşuldu
Benitesə Braziliyadan təklif
“Qvardiolaya görə, futbolumuzun DNT-sini unutmuşuq”
“Qarabağ”ın hücumçusuna “elçilər”
Naqelsmann daha 2 il Almaniya
“Qəbələ” legioneri ilə vidalaşdı
“Neftçi” 2024-25 mövsümündən yeni bazaya
“Neftçi”nin idman direktoru: Hansısa oyunçu
