Avropa çempionatının elit-raunduna hazırlaşan 19 yaşadək futbolçulardan ibarət Azərbaycan millisi bu gün yoxlama oyunu keçirib. Matç.az xəbər verir ki, yığmamız Türkiyədəki təlim-məşq toplanışında 2-ci sınağına çıxıb.
Vüqar Məmmədin yetirmələri Küveytdən olan həmyaşıdları ilə görüşüb. Əlverişsiz hava şəraiti səbəbindən 30 dəqiqə gec start götürən görüş 1:1 hesablı heç-heçə ilə yekunlaşıb.
Qeyd edək ki, yığmamız ilk hazırlıq oyununda Rusiyanın "Krasnodar-3" komandası ilə də heç-heçə (1:1) etmişdi.
Yoxlama oyunu
24 yanvar
Azərbaycan U-19 – Küveyt U-19 - 1:1
Qol: Sərhat Taşdemir, 52