29 Noyabr 2021, 12:00

Türkiyənin "Beşiktaş" klubunda baş məşqçi Sərgən Yalçınla bağlı qərar qəbul edilib. Matc.az Türkiyə mətbuatına istinadən xəbər verir ki, bu barədə İstanbul təmsilçisinin vitse-prezidenti Əmrə Kocadağ mətbuata açıqlamasında bildirib.
 
Onun dediyinə görə, klub rəhbərliyinin iclasında 49 yaşlı mütəxəssislə yola davam edilməsi məqsədəuyğun sayılıb. İclasda Kocadağla yanaşı, "Beşiktaş"ın prezidenti Ahmet Nur çebi və Sərgən Yalçın da iştirak edib.
 
"Beşiktaş" Türkiyə Super Liqasında uğursuz çıxış edir. "Qara qartallar" Super Liqada 20 xalla 10-cu pillədə qərarlaşıb və lider "Trabzonspor"dan 16 xal geridədir. Bu üzdən də ötən gün Sərgən Yalçın istefa ərizəsini klub rəhbərliyinə təqdim edib. Lakin klub rəhbərliyi onun postunda qalmasını istəyib.

XƏBƏRİ PAYLAŞ
  • gplus
  • pinterest