Təyyarədə itkin düşən argentinalı futbolçu Emiliano Salanın axtarışları üçün pul yığımı davam edir. Matç.az xəbər verir ki, "GoFundMe" kommersiya platformasındakı xeyriyyə aksiyasına futbolçular da qoşulub.

Nəticədə artıq lazım olan 150 min avronun 126 mini toplanılıb. Platformaya pul köcürənlər arasında İlkay Gündoğan, Korenten Tolisso, Lukas Lima, Joffre Kondoqbia, Benua Kostil, Leo Dubua, Demerrey Qrey, Fabi da Silva, Klemen Qranye və Nordi Mukiele de var.

Qeyd edək ki, "Kardiff"in tarixinə ən bahalı transfer kimi düşən argentinalı futbolçunu aparan təyyarə Normand adaları yaxınlığında yoxa çıxıb. Sala ilə birlikdə olan pilot Devid Aybbotson da itkin düşüb. Böyük Britaniya polisi onların axtarışlarını davam etdirir.