15 Yanvar 2022, 11:22

"Sumqayıt" dövrələrarası fasilədə daha bir futbolçunu heyətinə cəlb edib. Matc.az xəbər verir ki, son olaraq Kiprin "Etnikos" klubunda çıxış etmiş Araz Abdullayevlə 6 ay + 2 il şərti ilə müqavilə imzalanıb.
 
Təcrübəli oyunçu yeni komandasında "78" nömrəli formada çıxış edəcək.
 
Qeyd edək ki, Araz Abdullayev son klubu olan "Etnikos"da meydana çıxdığı 12 qarşılaşmada 3 məhsuldar ötürmə ilə yadda qalıb. 29 yaşlı yarımmüdafiəçi "Neftçi", "Panionios", "Qəbələ", "Anortosis", "Qarabağ" və "Boluspor" kimi klubların uğurları üçün də çalışıb. Abdullayev U-17, U-19, U-21 və "A" milli komandamızın şərəfini qoruyub.

XƏBƏRİ PAYLAŞ
  • gplus
  • pinterest