25 Yanvar 2022, 11:27

"Əvvəlki oyunda etdiyimiz səgvləri düzəldik, bəzi mənfi şeyləri aradan qaldırmağı bacardıq. Taktiki mənada çox yaxşı oyun alındı"

Polşanın "Qurnik" komandasının baş məşqçisi Kamil Keres "Neftçi"yə qarşı keçirdikləri yoxlama oyununu şərh edib. Matc.az xəbər verir ki, klubun mətbuat xidmətinə danışan Keres, 0:1 hesabıyla uduzduqları oyunla bağlı bunları söyləyib:
 
"Matçın ilk hissəsindən məmnunam. Əvvəlki oyunda etdiyimiz səgvləri düzəldik, bəzi mənfi şeyləri aradan qaldırmağı bacardıq. Taktiki mənada çox yaxşı oyun alındı. Düşünürəm ki, ilk hissədə "Neftçi"dən üstün oynadıq. Daha çox şans yaratdıq. Qol imkanlarımız var idi.
 
Qarşılaşmanın ikinci hissəsində yeni oyunçular meydana daxil oldu. Zədədən, xəstəlikdən qayıdan futbolçular var idi. Ona görə bir az qarışıqlıq oldu. İkinci hissənin ilk 30 dəqiqəsində çoxlu səhvlər etdik. Daha sonra özümüzü toparladıq. Son 15 dəqiqəni üstün oynadıq. Lakin hesabı bərabərləşdirə bilmədik".

XƏBƏRİ PAYLAŞ
  • gplus
  • pinterest