Avropa çempionatının əsas mərhələsində iştirak edəcək 19 yaşadək futzalçılardan ibarət Azərbaycan millisinin oyunlarının təqvimi açıqlanıb. Matc.az xəbər verir ki, 7-ci qrupda yer alan komandamızın bütün görüşləri Xorvatiyanın Karlovac şəhərindəki "Mladost Arena"da keçiriləcək.
Komandamız martın 16-da Belarus, ertəsi gün isə Xorvatiya yığması ilə qarşılaşacaq. Son dueldəki rəqibimiz isə Latviya futzalçıları olacaq.
Qeyd edək ki, ancaq qrup qalibləri final mərhələsinə vəsiqə qazanacaq. Sentyabrın 3-dən 10-dək İspaniyanın Əndəlüs vilayətindəki "Olivo Arena"da keçiriləcək final mərhələsində qalib adı uğrunda yenə 8 komanda iki qrupda mübarizə aparacaq.
Bu yaş qrupu üzrə ilk qitə birinciliyi 2019-cu ildə Latviyanın Riqa şəhərində təşkil olunub. Qalib isə İspaniya futzalçıları olub. Təqvim üzrə ikinci yarış ötən il keçirilməli idi. Amma COVİD-19 pandemiyası ilə əlaqədar turnir 2022-ci ilə ertələnib.
Belarus – Azərbaycan
16 mart. Karlovac şəhəri, Mladost Arena. Saat 19:00
Xorvatiya – Azərbaycan
17 mart. Karlovac şəhəri, Mladost Arena. Saat 22:00
Azərbaycan – Latviya
19 mart. Karlovac şəhəri, Mladost Arena. Saat 19:00
XƏBƏRİ PAYLAŞ
Xəbərlər
İngiltərənin DÇ-də iştirakı qadağan oluna
Finalçılar müəyyənləşib
"Bayer 04" dən "Bavariya"ya
"O, qalmaqla düzgün qərar verib"
"Çelsi"də itki
“Barselona”nı çox sevirəm" - Xavi
AFFA-da Premyer Liqa klublarına seminar
“Milan”ın fransızlarına nəhənglərin marağı
La Liqa oyunları ABŞ-da keçirilə
Musiala kumirlərini açıqladı
Jirunun əvəzləyicisi tapıldı
