18 Fevral 2022, 14:25

Bu gün AFFA İntizam Komitəsinin iclası keçirilib. Matc.az xəbər verir ki, müzakirələrdən sonra Birinci Divizionun 14-cü turunun oyunları ilə bağlı aşağıdakı qərarlar qəbul edilib:
 
"Qəbələ-2" – "Kəpəz" oyununda "Qəbələ"nin 4 futbolçusu sarı vərəqə ilə cəzalandırıldığı üçün komanda 80 manat cərimə olunub. "Kəpəz"in futbolçusu Nicat Süleymanov ciddi qayda pozuntusuna görə birbaşa qırmızı vərəqə alaraq meydançadan kənarlaşdırıldığı üçün 2 oyun cəzalanıb, klubu 160 manat cərimə olunub. "Kəpəz"in digər futbolçusu ümid Səmədov təcavüzkar davranışa görə birbaşa qırmızı vərəqə alaraq meydançadan kənarlaşdırıldığı üçün 2 oyun cəzalanıb, klubu 160 manat cərimə olunub.
 
"Qaradağ Lökbatan" - "Sumqayıt-2" oyununda "Sumqayıt"ın futbolçusu Ayxan Süleymanlı ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klubu 20 manat cərimə olunub. "Sumqayıt"ın 4 futbolçusu sarı vərəqə ilə cəzalandırıldığı üçün komanda 80 manat cərimə olunub. "Qaradağ Lökbatan"ın futbolçusu Ceyhun Muxtarlı rəqibi aşkar qol imkanından məhrum etdiyinə görə qırmızı vərəqə alaraq meydançadan kənarlaşdırıldığı üçün 1 oyun cəzalanıb, klubu 20 manat cərimə olunub.
 
"Sabah-2" - "Neftçi-2" oyununda "Sabah"ın 4 futbolçusu sarı vərəqə ilə cəzalandırıldığı üçün komanda 80 manat cərimə olunub. "Neftçi"nin də 6 futbolçusu sarı vərəqə ilə cəzalandırıldığı üçün komanda 80 manat cərimə olunub.
 
MOİK – "Turan Tovuz" oyunundan öncə polis nümayəndəsi təyin olunan vaxtda iclasda iştirak etmədiyi üçün meydan sahibi klub 40 manat cərimə olunub. MOİK-in nümayəndəsi təyin olunan vaxtda iclasda iştirak etmədiyi üçün klub 80 manat cərimə olunub. MOİK-in futbolçusu Fərmayıl Əliyev ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klubu 20 manat cərimə olunub. MOİK-in futbolçusu Qabil Sabirli təcavüzkar davranışa görə birbaşa qırmızı vərəqə aldığına və matç bitdikdən sonra yenidən meydançaya daxil olub hakimlər briqadasını təhqir etdiyinə görə 6 oyun cəzalanıb, klubu 480 manat cərimə olunub.
 
"Zirə-2" – "Səbail-2" oyununda "Zirə"nin futbolçusu Cavad Qurbanlı rəqibi aşkar qol imkanından məhrum etdiyinə görə qırmızı vərəqə ilə meydançadan kənarlaşdırıldığı üçün 1 oyun cəzalanıb, klubu 20 manat cərimə olunub. "Səbail"in futbolçusu Emin Rüstəmov ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klubu 20 manat cərimə olunub.
 
"Zaqatala" – "Keşlə-2" oyunundan öncə polis nümayəndəsi təyin olunan vaxtda iclasda iştirak etmədiyi üçün meydan sahibi klub 40 manat cərimə olunub. "Zaqatala"nın 6 futbolçusu sarı vərəqə ilə cəzalandırıldığı üçün klub 80 manat cərimə olunub. "Keşlə"nin baş məşqçisi Rüstəm Əliyev hakimlər briqadasını təhqir etdiyinə görə birbaşa qırmızı vərəqə alaraq meydançadan kənarlaşdırıldığı üçün 5 oyun cəzalanıb, klubu 400 manat cərimə olunub. "Keşlə"nin futbolçusu Kamal Kazımov təcavüzkar davranışa görə birbaşa qırmızı vərəqə alaraq meydançadan kənarlaşdırıldığı üçün 2 oyun cəzalanıb, klubu 160 manat cərimə olunub. "Keşlə"nin 4 futbolçusu sarı vərəqə ilə cəzalandırıldığı üçün klub 80 manat cərimə olunub.

XƏBƏRİ PAYLAŞ
  • gplus
  • pinterest