19 Fevral 2022, 10:33

"Axı, onu ehtiyatda saxlamamışdılar. Amma istənilən halda, komanda daxilində ab-hava yaxşıdır. Özü ilə görüşdən sonra danışdım, ciddi bir şey yoxdur"

"Marsel"in yeni transferi Sedrik Bakambu UEFA Konfrans Liqasının pley-offunda "Qarabağ"la ilk oyun barədə danışıb. Matc.az  xəbər verir ki, 31 yaşlı hücumçu 3:1 hesabı ilə qalib gəldikləri görüş barədə bunları söyləyib: "Qarabağ" mərhələsini keçmək lazımdır. Oyundan əvvəl heç vaxt güclü olduğunu deyə bilməzsən. Rəqiblərinizi heç vaxt qiymətləndirməməlisiniz".
 
Bakambu dubla imza atmış komanda yoldaşı Arkadiuş Milikin 68-ci dəqiqədə əvəzləndikdən sonra əsəbini su qabından çıxmasına da münasibət bildirib: "Arek meydanı tərk etdiyi vaxt bir qədər məyus idi. Bunu başa düşmək olarmı, ya yox? Milik hücum xəttində rəqibimdir. O, hər zaman və mümkün qədər çox oynamaq istəyir. Nəyə görə məyus olduğunu bilmirəm. Axı, onu ehtiyatda saxlamamışdılar. Amma istənilən halda, komanda daxilində ab-hava yaxşıdır. özü ilə görüşdən sonra danışdım, ciddi bir şey yoxdur".
 
Konqolu forvardın sözlərinə görə, polşalı komanda yoldaşı bütün oyun sistemlərinə uyğunlaşa bilir: "O, irəlidə tək oynayırdı və 2 qol vurdu. Arek əla hücumçudur. Fikrimcə, bütün oyun sistemlərinə uyğunlaşmağı bilir və bu yolu yaxşı keçib. İki hücumçuluq sistemi biz hələ mövsümün gedişində görəcəyik. Baş məşqçinin nə zaman belə qərar verəcəyini bilmirəm. Bu cür sualları ona verməyiniz lazımdır. Mənim üçün fərqi yoxdur: Nə zaman istifadə edəcəyindən asılı olmayaraq, hər şeyimi meydanda qoyacağam".
 
Qeyd edək ki, "Qarabağ" "Olimpik Marsel" komandası ilə cavab görüşünü fevralın 24-də Tofiq Bəhramov adına Respublika stadionunda keçirəcək.
 

XƏBƏRİ PAYLAŞ
  • gplus
  • pinterest