İngiltərənin "Mançester Yunayted" klubu yeni baş məşqçisi Erik ten Haqla 4 illik müqavilə imzalayacaq. Matc.az xəbər verir ki, bu barədə "The Athletic" nəşri məlumat yayıb.
 
Tərəflər arasında sözləşmə detalları ilə bağlı da razılıq əldə olunub. Hazırda Mançester təmsilçisi 52 yaşlı mütəxəssisin rəhbərlik etdiyi Niderland "Ayaks"ı ilə təzminat məsələsində anlaşmağa çalışır. Niderlandlı baş məşqçinin Amsterdam təmsilçisi ilə 2023-cü ilin yayınadək müqaviləsi var.
 
Hazırda "Mançester Yunayted"in baş məşqçisi Ralf Ranqnikdir. Almaniyalı mütəxəssis müvəqqəti olaraq bu vəzifəni icra edir. Erik ten Haq isə 2017-ci ildən çalışdırdığı "Ayaks"da 6 titul qazanıb. Onun komandası bu mövsüm də çempion olmağa yaxındır.

XƏBƏRİ PAYLAŞ
  • gplus
  • pinterest