10 May 2022, 19:35

İngiltərənin "Mançester Siti" klubu Almaniyanın "Borussiya" (Dortmund) komandasının hücumçusu Erlinq Halandı heyətinə qatıb.

İngiltərənin "Mançester Siti" klubu Almaniyanın "Borussiya" (Dortmund) komandasının hücumçusu Erlinq Halandı heyətinə qatıb. Matc.az xəbər verir ki, bu barədə "şəhərlilər"in rəsmi saytı məlumat yayıb.
 
Norveçli hücumçu bu il iyulun 1-dən yeni komandasına qoşulacaq. Klub keçidin digər detallarını və müqavilə müddətini açıqlamayıb.
 
Britaniya mətbuatının yazdığına görə, "Mançester Siti" bu keçid üçün "Borussiya"ya 60 milyon avro ödəyəcək. Futbolçunun müqaviləsində sərbəstqalma maddəsində məhz bu məbləğ yazılmışdı. Futbolçunun özünün isə həftəsinə 375 000 funt-sterlinq qazanacağı bildirilir. Hücumçu ilə 5 illik müqavilə imzalanıb.
 
Erlinq Haland 2020-ci ilin əvvəlindən Dortmund təmsilçisində çıxış edir. Gənc forvard "Borussiya"da 88 oyuna 85 qol vurub.

XƏBƏRİ PAYLAŞ
  • gplus
  • pinterest