Avropa Konfrans Liqasının 2-ci təsnifat mərhələsinin bu gün keçirilən püşkatması "Qəbələ"nin də 2022/23 mövsümündəki ilk rəqibinin adına aydınlıq gətirdi. Matc.az xəbər verir ki, "qırmızı-qaralar" bu raundda Macarıstanın "Fehervar" klubu ilə üz-üzə gələcək.
Sekeşfehervar şəhərini təmsil edən klubun əsası 1941-ci ildə qoyulub. 81 yaşlı klub ev oyunlarını 15 min tamaşaçı tutan "Şuştoi" stadionunda keçirir.
Bu klub adını dəfələrlə dəyişməsi ilə diqqət çəkir. Daha çox "Videoton" adı ilə tanınan komanda 1995-2009-cu illərdə də "Fehervar" olub. Sonradan yenidən "Videoton" və "Mol Vidi" kimi çıxış edən klub 2019-cu ildən indiki adını qaytarıb.
Uzun müddət aşağı liqalarda oynayan komanda 1968-ci ildən yüksək dəstədə oynamaq hüququ qazansa da, elə həmin il oranı tərk edib. Bir neçə dəfə liqalar arasında aşağı-yuxarı hərəkət edən "Fehervar" 1975/76 mövsümündə Macarıstan çempionatının gümüş medalçısı olub. Komandanın tarixində ən böyük uğur isə 1984/85 mövsümünə təsadüf edib. UEFA kubokunda PSJ və "Mançester Yunayted" kimi adlı-sanlı rəqibləri mübarizədən kənarlaşdıran macarıstanlılar finaladək irəliləyib. Həlledici matçda Madrid "Real"ı qələbə ilə kuboka sahib çıxıb.
Daxili arenadakı uğurlar isə son illərə təsadüf edir. 2010-2011-ci illər mövsümündə ilk dəfə ölkə çempionu olan "Fehervar" 2014-2015 və 2017-2018-ci illərdə də uğurunu təkrarlayıb. Bundan başqa, çempionatda 8 gümüş və 4 bürüncü olan "Fehervar" ötən mövsümü mükafatların bir addımlığında – 4-cü pillədə bitirib. 2 dəfə kubok, 3 dəfə liqa kubokunu qazanan komandanın aktivində iki superkubok da var.
Lakin "Fehervar" Avropada böyük uğur qazanmayıb. Yalnız iki dəfə Avropa Liqasının qrupuna qədər irəliləyən komanda növbəti raunda yüksələ bilməyib.
Avrokubokların daimi iştirakçısına çevrilən "Fehervar" ötən mövsüm Konfrans Liqası ilə 1-ci təsnifat mərhələsində vidalaşıb. Mihael Borisin baş məşqçisi olduğu komanda çempionatdakı 33 matçda 48 xal toplayaraq bürünc mükafatçıdan 6 xal geri qalıb. ölkə kubokunda isə "Fehervar" 1/4 finalda mübarizəni dayandırıb.
Xatırladaq ki, "Qəbələ" və "Fehervar" arasında ilk oyun iyulun 21-də Macarıstanda, cavab qarşılaşması ayın 28-də keçiriləcək.
XƏBƏRİ PAYLAŞ
Xəbərlər
"Otto Conun qaçırdığı epizodlar matçın
“Söz-sözbətlərə adekvat cavab verdik“ -
"Sumqayıt" səfərdə "Turan Tovuz"a qalib
Braziliya millisinin üzvü qərarını verdi
“Bavariya” Musiala ilə bağlı qərarını
“O, dünyanın ən yaxşı məşqçisidi”
Paytaxt klubu mübarizəyə qoşuldu
Benitesə Braziliyadan təklif
“Qvardiolaya görə, futbolumuzun DNT-sini unutmuşuq”
“Qarabağ”ın hücumçusuna “elçilər”
Naqelsmann daha 2 il Almaniya
