“Əl-İttihad”ın yeni baş məşqçisi məlum olub.

Matc.az xəbər verir ki, bu barədə klubun rəsmi saytı məlumat yayıb. Marselo Qalardo komandanın yeni baş məşqçisi olub. 47 yaşlı argentinalı Səudiyyə Ərəbistanı klubu ilə 2024-2025 mövsümünün sonuna qədər müqavilə imzalayıb. Noyabrın 8-də “Əl-İttihad” baş məşqçi Nuno Espirito Santonu istefaya göndərdiyini açıqlamışdı.

Xatırladaq ki, Səudiyyə Ərəbistanı Pro Liqasının 13 turundan sonra Ciddə klubu turnir cədvəlinin 5-ci pilləsində qərarlaşıb.

Qeyd edək ki, Qallardo əvvəllər Argentinanın “River Pleyt” və Uruqvayın "Nasional” kimi komandaları çalışdırıb.