İspaniya La Liqasının 11-ci turunda "Atletiko"nun "Sevilya" üzərində 3:0 qələbəsi Antuan Qrizmann üçün əlamətdar olub. 

Matc.az xəbər verir ki, qarşılaşmada fərqlənən fransalı hücumçu çempionatdakı 200-cü qolunu vurub.

O, La Liqada bu saya çatan 6-cı legioner olub.

Qrizmanndan əvvəl La Liqada yalnız 5 əcnəbi futbolçu 200 qol vurib: Alfredo Di Stefano (Argentina, 227 qol), Huqo Sançes (Meksika, 234), Kərim Benzema (Fransa, 238), Kriştiano Ronaldo (Portuqaliya, 311) və Lionel Messi (Argentina, 474).