“Kristal Pelas”ın sağ cinah müdafiəçisi Daniel Munyos komandanı dəyişə bilər.

Matc.az xəbər verir ki, bu yalnız böyük məbləğlə mümkün olacaq. Məlumatı "Football Insider" yayıb.

İngiltərə klubu 25 milyon funt sterlinqdən (təxminən 32 milyon dollar) çox olan təklifləri nəzərdən keçirməyə hazırdır.

29 yaşlı kolumbiyalı futbolçunun klubla müqaviləsi 2028-ci ilə qədər qüvvədədir. “Kristal Pelas” qış transfer pəncərəsində onunla yolları ayırmağı planlaşdırmır. “Barselona”, “Mançester Siti” və “Çelsi”nin aktiv marağına baxmayaraq, klub Munyosu mövsüm hədəflərinə çatmaq üçün komandada saxlamaqda israrlıdır.

“Kristal Pelas” Konfrans Liqasının pley-off mərhələsində maksimum irəliləmək və Premyer Liqada avrokubok yerləri uğrunda mübarizə aparmaq istəyir ki, bu da müdafiəçinin mövcud heyət üçün əhəmiyyətini artırır.

Bununla yanaşı, Munyosun özü də Çempionlar Liqasına qatılan bir klubdan təklif alacağı təqdirdə mümkün keçidi nəzərdən keçirməyə hazırdır.