Türkiyənin "Kayserispor" klubu heyətini yeni futbolçularla gücləndirib. Matc.az xəbər verir ki, Super Liqa təmsilçisi İspaniyanın "Valensiya" klubundan Aymen Abdennuru, geridə qalan mövsümü "Akhisarspor"da keçirmiş Migel Lopesi və "Fənərbaxça"dan Yasir Subaşını transfer edib. Bu barədə klubun rəsmi saytı məlumat yayıb.
Abdennurla 1 illik müqavilə imzalanıb. 29 yaşlı tunisli müdafiəçi geridə qalan mövsümü icarə əsasında Fransanın "Olimpik" (Marsel) klubunda keçirib. Abdennur daha öncə "Verder", "Tuluza", "Monako" kimi klubların da şərəfini qoruyub.
32 yaşlı portuqaliyalı sağ cinah müdafiəçisi Migel Lopes yeni klubu ilə 2 illik müqavilə bağlayıb. O, 2016-cı ildən Türkiyənin digər təmsilçisi "Akhisarspor"un uğurları üçün çalışırdı. "Benfika"nın yetirməsi olan, Portuqaliya yığmasında 4 oyun keçirmiş müdafiəçi, karyerası ərzində "Rio Ave", "Portu", "Betis", "Braqa", "Sportinq", "Lion", "Qranada" kimi klublarda da forma geyinib.
"Kayserispor"un daha bir yeni transferi "Fənərbaxça"nın cəmi bir neçə gün öncə heyətinə qatdığı müdafiəçi Yasir Subaşıdı. "Fənərbaxça" öz yetirməsi olan bu futbolçunu "ümraniyəspor"dan yenicə transfer etmişdi. Amma İstanbul klubu 23 yaşlı futbolçusunu "Kayserispor"a satmağa qərar verib. Subaşı Kayseri təmsilçisi ilə 3 illik müqavilə bağlayıb.
XƏBƏRİ PAYLAŞ
Xəbərlər
Braziliya millisinin üzvü qərarını verdi
"Sumqayıt" səfərdə "Turan Tovuz"a qalib
“Bavariya” Musiala ilə bağlı qərarını
“O, dünyanın ən yaxşı məşqçisidi”
Paytaxt klubu mübarizəyə qoşuldu
Benitesə Braziliyadan təklif
“Qvardiolaya görə, futbolumuzun DNT-sini unutmuşuq”
“Qarabağ”ın hücumçusuna “elçilər”
Naqelsmann daha 2 il Almaniya
“Qəbələ” legioneri ilə vidalaşdı
“Neftçi” 2024-25 mövsümündən yeni bazaya
