Bəzi idmançılar üçün Paris-2024 karyeralarında sonuncu yarış olacaq. O cümlədən də, britaniyalı əfsanəvi tennisçi Endi Marrey üçün.

Matc.az xəbər verir ki, bu gün Marrey rəsmi olaraq Olimpiadadan sonra artıq korta çıxmayacağını elan edib.

Marrey ikiqat Olimpiya çempionudur. O, 2012 və 2016-cı illərdə qızıl medal qazanıb.

Marrey həmçinin üç dəfə Böyük Dəbilqə turnirlərində qalib gəlib və 2016-cı ildə ATP dünya reytinqində birinci yerə yüksəlib. Təəssüf ki, 37 yaşlı britaniyalının karyerasının son illəri zədələrlə yadda qalıb.

Qeyd edək ki, 2024-cü il Olimpiadasının açılış mərasimi cümə günü, iyulun 26-da baş tutacaq.