Debütü 2014/15 mövsümündə gerçəkləşən Xəyal 200 oyunda 6 qol vurub.

“Turan Tovuz”un yarımmüdafiəçisi Xəyal Nəcəfov Azərbaycan çempionatlarında 200-cü oyununu keçirib. Matc.az xəbər verir ki, onun yubileyi Misli Premyer Liqasının XIX turuna təsadüf edib.

27 yaşlı yarımmüdafiəçi “Kəpəz”lə səfər matçının (2:5) gedişində meydana çıxıb. Debütü 2014/15 mövsümündə gerçəkləşən Xəyal 200 oyunda 6 qol vurub. Bu barədə Peşəkar Futbol Liqası məlumat yayıb.

Nəcəfov üç klubda forma geyinib. Xəyal “Sumqayıt”da 105 (2 qol), “Neftçi”də 17, “Turan Tovuz”da 78 (4 qol) dəfə şans qazanıb.