“Liverpul”un hücumçusu Federiko Kyezanın atası, sabiq futbolçu Enriko Kyeza oğlunun İngiltərə klubunda özünü göstərə biləcəyinə inanır. Matc.az xəbər verir ki, Federikonun “qırmızılar”dan ayrılıb yenidən A Seriyasına qayıda biləcəyi haqqında xəbərlər yayılıb.

“Federiko “Liverpul”da çox yaxşı çıxış edir və hazırda Premyer Liqanın lideri olan Top-klubda oynayır. Onların çempion olacağına ümid edirəm. Federiko özünü sübut etmək üçün buradadı və bunun üçün əla imkanları var. “Yuventus”dan ayrıldığına görə peşmandımı? Peşmanlıq yalnız məğlublar üçün bəhanədi. Heç bir peşmanlıq yoxdu”, - deyə Enrike Kyeza söyləyib.

Qeyd edək ki, Federiko Kyeza ötən yay “Yuventus”dan “Liverpul”a transfer olunub. O, cari mövsüm bütün turnirlərdə 11 oyunda iştirak edib, 2 qol, 2 məhsuldar ötürmə ilə yadda qalıb.