“Vest Hem” rəsmi olaraq “Nitsa”nın ulduz futbolçusu Jan-Kler Todibonu transfer edib.

Matc.az xəbər verir ki, 24 yaşlı futbolçu 2025-ci ilin yayında almaq maddəsi ilə Liqa 1 klubundan bir illik icarə əsasında ingilis klubunda çıxış edəcək.

Transferin maddi tərəfi barədə dəqiq məlumat verilməsə də, 35 milyon avro olaraq qiymətləndirilir.

Fransız müdafiəçi “Vest Hem”də 25 nömrəli forma geyinəcək.

Qeyd edək ki, Jan-Kler Todibo “Nitsa”nın heyətində ümumilikdə 136 oyuna çıxıb, 2 qol vurub və 3 məhsuldar ötürmə edib. O, iki oyunda Fransa millisinin formasını da geyinib.