09 Sentyabr 2019, 23:24
AVRO-2024

Futbol üzrə Azərbaycan milli komandasının kapitanı Maksim Medvedev AÇ-2020-nin seçmə mərhələsi çərçivəsində Xorvatiya yığmasına qarşı keçirdikləri oyunu şərh edib. "Qarabağ"ın müdafiəçisi 1:1 hesabıyla başa çatan oyundan sonra jurnalistlərlə söhbətdə öncə bunları söyləyib

Futbol üzrə Azərbaycan milli komandasının kapitanı Maksim Medvedev Aç-2020-nin seçmə mərhələsi çərçivəsində Xorvatiya yığmasına qarşı keçirdikləri oyunu şərh edib. Matc.az xəbər verir ki, "Qarabağ"ın müdafiəçisi 1:1 hesabıyla başa çatan oyundan sonra jurnalistlərlə söhbətdə öncə bunları söyləyib:
 
- Uelslə oyundan sonra dərk edirdik ki, pis alınmadı, qaçırdıq, mübarizə aparırdıq. Demək olar ki, Uelsə futbol oynamağa imkan vermədik. özümüzə güvəndik. Baxmayaraq ki, 1:2 hesabı ilə uduzduq, amma bizdə güvən var idi. Bu oyunda bunu göstərdik. Uzun yoldan sonra yorğun olacağımız bəlli idi. Komanda üzvləri ilə söhbət etdik. Düzdü, xorvatlar da yol gəliblər, amma biz daha uzun məsafədən qayıdırdıq. Oyuna yaxşı başlamadıq. İkinci hissədə gözəl futbol oynadıq. Hətta epizodlar oldu ki, Xorvatiyanı qapısına sıxdıq. İnam yarandı ki, ikinci topu da vuracağıq. Buna vaxt çatmadı.
 
- Nikola Yurçeviç bu oyuna sizi fərqli hazırlamışdı?
- Xorvatiya top komandadı. Bilirdik ki, ağır oyun olacaq. Son vaxtlar fərqli taktika seçir. çalışırıq ki, hər yerdə çoxluq yaradaq. Uelslə oyunda gördük ki, bunu bacarırıq. Baxmayaraq ki, onlarda Qaret Beyl, Deniel Ceyms kimi ulduzlar var. Xorvatların da ulduz oyunçuları var. Bu gün də eyni oynadıq və bizdə uğurlu alındı.
 
- Yığma Uelsə məğlubiyyət və Xorvatiya ilə heç-heçəyə görə mükafat alacaq?
- Rəhbərlik həmişə istəyib ki, bizə yaxşı baxsın. İnşallah, mükafat olacaq. Futbolçular da bunu gözləyir. Nə vaxt veriləcəyi bəlli deyil.
 
- Seçmə mərhələnin növbəti oyunlarından nə gözləmək olar?
- Xorvatiyadan bir xal almaq bizim üçün stimuldu. Uels də Bakıya gələcək. Onlarla da bu səviyyədə futbol nümayiş etdirmək istəyirik. Macarıstanla səfər matçımız da olacaq. Yaxşı və kompakt oynamağa çalışacağıq. Belə rəqiblərlə açıq futbol mümkün deyil. Açılan kimi özünüz də görürsünüz ki, hesablar 1:3, 1:5 olur. Bu gün fərqli taktika seçirik ki, daha da kompakt oynayaq.
 
- Bəhlul Mustafazadə və Anton Krivotsyukun oyunu necə alındı?
- Elə vəziyyət idi ki, bu gün millidə oynamağa ən layiq onlar idi. Baxmayaraq ki, hamı səhv edir. Görünürdü ki, komanda vuruşur. Nəticə üçün hər şey etdilər. Onlara da təşəkkr edirəm. Hər ikisi gənc futbolçudu. Bəhlul Mustafazadə də çalışdı, vuruşdu, söz ola bilməz. Onlara dəstək olmalıyıq ki, gələcəkdə daha çox fayda versinlər.

XƏBƏRİ PAYLAŞ
  • gplus
  • pinterest