14 Sentyabr 2022, 10:08
DÖYÜŞ NÖVLƏRİ

Azərbaycan boksçusu Xəyal Əlövsət oğlu Əhədzadə düşmən təxribatının qarşısını alarkən şəhidlik zirvəsinə yüksəlib.

Azərbaycan boksçusu Xəyal Əlövsət oğlu Əhədzadə düşmən təxribatının qarşısını alarkən şəhidlik zirvəsinə yüksəlib. Matc.az Azərbaycan Boks Federasiyasının rəsmi saytına istinadən xəbər verir ki, o, Lənkəran Uşaq-Gənclər İdman Məktəbinin yetirməsi olub. Xüsusi Təyinatı Qüvvələrdə gizir kimi çalışıb.
 
Məktəblilər arasında 40 kq çəki dərəcəsində Azərbaycan birinciliyinin qalibi və yeniyetmələr arasında ölkə çempionatının iştirakçısı olan şəhid boksçu 1998-ci ildə Lənkəran rayonu Nərimanabad qəsəbəsində anadan olub.
 
O, "Azərbaycan Bayrağı" ordeni, "Vətən müharibəsi iştirakçısı", "Fizulinin azad olunmasına", "Cəbrayılın azad olunmasına", "Kəlbəcərin azad olunmasına" və "Şuşanın azad olunmasına" görə medalları ilə təltif edilib.
 
Azərbaycan Boks Federasiyasının kollektivi şəhid boksçumuzun timsalında bütün şəhidlərimizin ailələrinə və yaxınlarına dərin hüznlə başsağlığı verib, Allahdan rəhmət diləyib.
 
Allah rəhmət eləsin!
 

XƏBƏRİ PAYLAŞ
  • gplus
  • pinterest