"Arsenal"ın yarımmüdafiəçisi Martin Edeqor İngiltərə Premyer Liqasında 2026/2027 mövsümünün III turunun ən yaxşı futbolçusu seçilib.

Matc.az xəbər verir ki, bu barədə turnirin rəsmi saytı məlumat yayıb.

Bildirilir ki, III turda Edeqor "Çelsi" ilə matçda (2:1) qələbə qolunun müəllifi olub. "Topçular"ın üzvü azarkeşlərin 31 faiz səsini toplayıb.

Norveçli oyunçunun ən yaxın izləyicisi 30 faiz səslə "Liverpul"dan Aleksander İsak olub. Mükafata digər namizədlər Canluici Donnarumma ("Mançester Siti"), Kodi Qakpo ("Liverpul"), Tayrik Corc ("Everton") və Tayrik Mitçell ("Kristal Pelas") idilər.

Turun yekunlarına əsasən, 9 xala malik "Mançester Siti" turnir cədvəlinə başçılıq edir. Eyni xala sahib "Arsenal" ikinci pillədə qərarlaşıb. İlk "üçlüy"ü isə 7 xalla "Hall Siti" qapayır.