15 Sentyabr 2022, 21:06
DÖYÜŞ NÖVLƏRİ

Serbiyanın paytaxtı Belqradda güləş üzrə dünya çempionatı davam edir. Matc.az xəbər verir ki, bu gün sərbəst güləş üzrə millinin 4 üzvü çıxış edib.
 
Coşqun Əzimov (70 kq) 1/16 finalda monqolustanlı Temuulen Enxtuyaya sonuncu xal prinsipinə əsasən (3:3) məğlub olub.
 
Əşrəf Aşırov (79 kq) 1/16 finalda estoniyalı Erik Reinboka 5:2 hesabıyla qalib gəlib. Ancaq həmyerlimiz növbəti mərhələdə ukraynalı Vasili Mixaylovla bacarmayıb - 1:7.
 
Abubakr Abakarov (86 kq) ilk mərhələdə ukraynalı Xasan Zakariyevi mübarizədən kənarlaşdırıb - 5:4. Lakin 1/8 finalda gürcüstanlı Tarzan Maysuradzeyə uduzub - 1:3.
 
Aydın Əhmədov (125 kq) təsnifat mərhələsində dünya ikincisi Jivey Denqə (çin) məğlub olub - 0:5.

XƏBƏRİ PAYLAŞ
  • gplus
  • pinterest