2023-cü ilin ən çox qazanan idmançılarının siyahısı açıqlanıb. Matc.az "Forbes" nəşrinə istinadən xəbər verir ki, siyahının ilk pilləsində portuqaliyalı futbolçu Kriştiano Ronaldo qərarlaşıb. Onun qazancı 136 milyon dollar civarındadır.

İkinci pillədə 130 milyon dollarla argentinalı Lionel Messidir. Fransız Kilian Mbappenin qazancı isə 120 milyon dollar təşkil edib.

İlk "onluq"da basketbolçu Lebron Ceyms (119,5 milyon dollar),  boksçu Kanelo Alvares (110 milyon dollar),  qolfçulardan Dastin Conson (107 milyon dollar), Fil Mikelson (106 milyon dollar), basketbolçu Stefen Karri (100.4 milyon dollar),  sabiq tenniçsi Roje Federer (95.1 milyon dollar) və  Kevin Dürant (basketbolçu, 89,1 milyon dollar) qərarlaşıb.