Sabah Azərbaycan Premyer Liqasında 2024-25 mövsümü start götürəcək. Matc.az saytının məlumatına görə, sayca 33-cü Azərbaycan çempionatı 10 komandanın iştirakı ilə dörd dövrədən ibarət olacaq.

Mövsümə “Araz-Naxçıvan”la son çempion “Qarabağ” arasında keçiriləcək açılış oyunu ilə start veriləcək. Çempionlar Liqasına uğurlu başlanğıc edən ağdamlılar yəqin ki, naxçıvanlılar önünə ehtiyat qüvvə ilə çıxacaq.

Avqustun 3-də ilk olaraq “Neftçi” ilə “Turan Tovuz” birincilərin meydanında üz-üzə gələcək. Bu, yeni baş məşqçilər Roman Qriqorçuk və Kurban Berdıyevin dueli ilə əlamətdar olacaq.

Avrokuboklarla vidalaşan “Sumqayıt” dogma arenasında “Kəpəz”i qəbul edəcək. Hər iki komandanın bu mövsüm autsayderlər zonasında qərarlaşması gözlənilir.

Avqustun 4-də yenidən elitaya qayıdan “Şamaxı” iddialılardan olan “Sabah”ı qəbul edəcək. Tura paytaxt klubları “Zirə” ilə “Səbail” arasında təşkil olunacaq matçla yekun vurulacaq.

Premyer Liqa

I tur

2 avqust (cümə)

20:00. “Araz-Naxçıvan” – “Qarabağ”

Hakimlər: Elçin Məsiyev, Elşad Abdullayev, Pərvin Talıbov, Kamran Əliyev

VAR: Rəşad Əhmədov

AVAR: Eyyub İbrahimov

Hakim-inspektor: Ömər Paşayev

AFFA nümayəndəsi: Erkin Hüseynov

“Liv Bona Dea Arena”

3 avqust (şənbə)

18:30. “Neftçi” – “Turan Tovuz”

Hakimlər: Əliyar Ağayev, Zeynal Zeynalov, Akif Əmirəli, Kamranbəy Rəhimov

VAR: Cavid Cəlilov

AVAR: Müslüm Əliyev

Hakim-inspektor: Babək Quliyev

AFFA nümayəndəsi: Elgiz Abbasov

“Neftçi Arena”

20:45. “Sumqayıt” – “Kəpəz”

Hakimlər: Kamal Umudlu, Vüsal Məmmədov, Rəhman İmami, Rauf Allahverdiyev

VAR: Rauf Cabarov

AVAR: Kamran Bayramov

Hakim-inspektor: Anar Salmanov

AFFA nümayəndəsi: Elçin Mehtiyev

M.Hüseynzadə adına Sumqayıt şəhər stadionu

4 avqust (bazar)

17:30. “Şamaxı” –“Sabah”

Hakimlər: İnqilab Məmmədov, Namiq Hüseynov, Rahil Ramazanov, Fərid Hacıyev

VAR: Tural Qurbanov

AVAR: Elşad Abdullayev

Hakim-inspektor: Vüsal Əliyev

AFFA nümayəndəsi: Seymur Səlimli

Şamaxı şəhər stadionu

20:00. “Zirə”– “Səbail”

Hakimlər: Rəvan Həmzəzadə, Cəmil Quliyev, Şirmamed Mamedov, Əli Əliyev

VAR: Nicat İsmayıllı

AVAR: Vüsal Məmmədov

Hakim-inspektor: Asim Xudiyev

AFFA nümayəndəsi: Eldəniz Musayev

Zirə İdman Kompleksinin stadionu