"Real"ın hücumçusu Kilian Mbappe klublararası dünya çempionatının 1/8 finalında "Yuventus"a qarşı keçiriləcək oyunda iştirak edə bilər.

Matc.az xəbər verir ki, bu barədə məlumatı AS paylaşıb.

Bildirilir ki, Mbappe Turin klubu ilə oyun öncəsi madridlilərin 3 məşqində iştirak edəcək. Beləliklə, o, lazımi fiziki hazırlığı qazanacaq.

Xatırladaq ki, iyunun 19-da fransız futbolçu kəskin qastroenterit diaqnozu ilə xəstəxanaya yerləşdirilmişdi.

"Real" – "Yuventus" qarşılaşması iyulun 1-də, saat 23:00-da start götürəcək.