PSJ və Slovakiya millisinin mərkəz müdafiəçisi Milan Şkrinyar Türkiyənin "Fənərbaxça" klubuna keçidini tamamlayıb.

Matc.az xəbər verir ki, bu barədə insayder Fabrisio Romano məlumat verib.

Tərəflər arasında müqavilə imzalanıb. Transferin məbləği 7 milyon avro və daha 3 milyon avro isə bonus olaraq təşkil edir.

Xatırladaq ki, 29 yaşlı slovakiyalı 2023-cü ilin yayında Milan "İnter"indən azad agent kimi PSJ-yə keçsə də, Luis Enrikenin komandasında start heyətə düşə bilməyib. Ötən mövsüm müdafiəçi 28 matçda 3 qol vurub, 1 məhsuldar ötürmə edib.