"Sabah"la yollarını ayıran Hendrik Ekşteyn karyerasını Azərbaycanda davam etdirə bilər. Matc.az saytının məlumatına görə, bu xəbəri Cənubi Afrika Respublikasının mətbuatı yayıb.

Bildirilir ki, sürpriz şəkildə Bakı klubundan gedən 28 yaşlı yarımmüdafiəçi Azərbaycanda azarkeşlər və klublar tərəfindən özünə hörmət qazanmağı bacarıb. Onun ölkəsinə dönmək variantı olsa da, futbolçu Avropada qalmaq fikrindədi.

Bu üzdən Ekşteynin Premyer Liqa klublarından birinə keçməsi real görünür: "Hendrikin "Sabah"dan ayrılması hamını şoka saldı, çünki orda futboldan həzz alırdı. Komandanın əsas oyunçularından biri idi və azarkeşlər onu çox sevirdilər. Ekşteyni orda izləyən komanda çoxdu və artıq təkliflər də alıb. Yaxın günlərdə yeni klubunun adına aydınlıq gəlməsi gözlənilir".

Qeyd edək ki, "Sabah"a bu yay "Kayzer çifs"dən keçən Hendrik Ekşteynin müqavilə müddəti 2021-ci ilin yayına qədər idi.

XƏBƏRİ PAYLAŞ
  • gplus
  • pinterest