Yeni mövsümün hazırlıq planına uyğun olaraq “Kəpəz” daha bir yoxlama oyunu keçirəcək.

Matc.az xəbər verir ki, “sarı-göylər” ölkəmizdə təlim-məşq toplanışında olan Küveytin “Əl-Yarmuk” klubu ilə qarşılaşacaq.

İyulun 22-də Qəbələdə təşkil ediləcək görüş saat 17:30-da başlayacaq.

Qeyd edək ki, “Kəpəz” bunadək iki yoxlama oyunu keçirmişdi. Adil Şükürovun kollektivi “Turan Tovuz”a 0:4, “Şamaxı”ya isə 1:2 hesabı ilə uduzub.