Fransanın paytaxtı Parisdə keçirilən XXXIII Yay Olimpiya Oyunların davam edir.

Matc.az xəbər verir ki, bu gün ölkəmizi Olimpiya Oyunlarında təmsil edən idmançımız uğurlu nəticələr əldə etmək üçün mübarizə aparacaqlar.

-100 kq çəki dərəcəsində ölkəmizi təmsil edən cüdoçumuz Zelim Kotsoyev 1/8 final mərhələsində Pyotr Kuçera (Polşa)/Tomas Briçeno (Çili) cütünün qalibi ilə qarşılaşacaq.

Qadınlar arasında 3x3 basketbolda Azərbaycan iki görüş keçirəcək. İlk oyun Fransa ilə, ikinci qarşılaşma isə Almaniya yığması ilə olacaq.

-92 kq çəkidə 1/4 finala yüksələn boksçumuz Alfonso Dominqes qazaxıstanlı Aybek Oralbay ilə yarımfinal uğrunda mübarizə aparacaq.

12:00. Cüdo (kişilər, -100 kq), 1/8 final
Zelim Kotsoyev – Pyotr Kuçera (Polşa)/Tomas Briçeno (Çili)

14:30. Basketbol (qadınlar, 3X3), III tur
Azərbaycan – Fransa

20:30. Basketbol (qadınlar, 3X3), IV tur
Azərbaycan – Almaniya

19:54. Boks (kişilər, -92 kq), 1/4 final
Alfonso Dominqes – Aybek Oralbay (Qazaxıstan)