“Çoxdandı taekvondoda olimpiya medalımız yox idi. Şükürlər olsun ki, bunu mən bacardım".

“Olimpiadada qızıl medal qazanmaq istəyirdim, alınmadı. Gümüş medal da pis nəticə deyil”. Matc.az xəbər verir ki, bunu Paris-2024 Yay Olimpiya Oyunlarında gümüş medal qazanmış Azərbaycan taekvondoçusu Qaşım Maqomedov deyib.

Hava limanında jurnalistlərin suallarını cavablandıran Maqomedov Olimpiadada Azərbaycan bayrağını dalğalandırdığı üçün fəxr etdiyini bildirib: “Çoxdandı taekvondoda olimpiya medalımız yox idi. Şükürlər olsun ki, bunu mən bacardım. İdman həyatımdı və yüksək nəticələr qazanmaq üçün mütəmadi olaraq əzmlə çalışıram”.

Qeyd edək ki, Azərbaycan Paris-2024-də 2 qızıl, 2 gümüş və 3 bürünc medal qazanıb.