London "Arsenal"ının 27 yaşlı müdafiəçisi Aleksandr Zinçenko klubu tərk edə bilər.

Matc.az xəbər verir ki, bu barədə "Fotospor" məlumat paylaşıb.

Bildirilir ki, Zinçenkonun transferinə əsas namizədlər "İnter" və "Fənərbaxça"dır. Türkiyə klubu futbolçunun transferi üçün 35 milyon avro dəyərində təklif irəli sürməyə hazırlaşır və "İnter" də öz növbəsində artıq "topçular"la transferlə bağlı danışıqlar prosesinə başlayıb.

"Fənərbaxça" Zinçenko üçün təklif irəli sürməzdən əvvəl "İnter" və "Arsenal" arasında danışıqların nəticəsini gözləyir.

Qeyd edək ki, 2024/2025 mövsümündə Aleksandr Zinçenko klub səviyyəsində 11 oyun keçirsə də, bir qol vura bilməyib. "Transfermarkt" onun dəyərini 30 milyon avro qiymətləndirir.