"Liverpul" və "Bavariya" Luis Diasın 75 milyon avroya transferi ilə bağlı prinsipial razılığa gəlib.

Matc.az xəbər verir ki, bu barədə məlumatı "Sky Sport Germany" paylaşıb.

Bildirilir ki, 28 yaşlı futbolçu ilə 2029-cu ilə qədər müqavilə imzalanacaq. Kolumbiyalı vingerin keçidi məsələsi həll edilmiş sayılır. Tibbi müayinənin nəticələri gələn həftə bəlli olacaq.

Qeyd edək ki, hücumçu 2022-ci ilin qışında "Portu"dan "Liverpul"a keçib. Ötən mövsüm Dias bütün yarışlarda 50 matçda iştirak edib, 17 qol vurub və 8 məhsuldar ötürmə edib. 28 yaşlı hücumçunun klubla hazırkı müqaviləsi 2027-ci ilin yayına kimi hesablanıb. "Transfermarkt" portalında futbolçunun dəyəri 70 milyon avrodur.