"İnter" "Atalanta"nın hücumçusu Ademola Lukmanı almaq üçün "Parma"nın müdafiəçisi Covanni Leoninin transferindən imtina etmək qərarına gəlib

Matc.az xəbər verir ki, bu barədə məlumatı "La Gazzetta dello Sport" paylaşıb.

"Atalanta" futbolçunu 50 milyon dəyərində qiymətləndirir. Lukman özü artıq seçimini "İnter"in xeyrinə edib, "Napoli" və "Atletiko"nun daha sərfəli təkliflərindən imtina etməyə hazırdır.

Leoninin transferindən imtina maliyyə prioritetləri ilə bağlıdır. Müdafiəçinin "Parma"dan transferi təxminən 30 milyon avroya başa gələcək və milanlılar Lukmanla anlaşma üçün vəsaitə qənaət etmək istəyirlər. "İnter" gələn həftə "Atalanta" ilə danışıqları intensivləşdirmək niyyətindədir.