UEFA Çempionlar Liqası Liqa mərhələsinin II turunun "Qarabağ" - "Kopenhagen" matçının təyinatları açıqlanıb.

Matc.az xəbər verir ki, qarşılaşmanı Niderlanddan olan hakimlər briqadası idarə edəcək.

Oyunun baş hakimi Serdar Gözübüyük olacaq. Ona yan xətt hakimləri Ervin Zeynstra ilə Patrik İnya köməklik göstərəcək. Dördüncü hakim funksiyasını Yannik Van Der Laan yerinə yetirəcək.

Matçın VAR hakimi Rob Dyeperink olacaq. AVAR-da isə Yerun Manşot əyləşəcək.

Qeyd edək ki, "Qarabağ" - "Kopenhagen" qarşılaşması 1 oktyabr tarixində Tofiq Bəhraamov adına Respublika Stadionunda keçiriləcək və saat 20:45-də start götürəcək.