ABŞ-nin "Kolambus Krü" klubu Nəriman Axundzadənin transferini açıqlayıb.

Matc.az xəbər verir ki, bu barədə MLS təmsilçisinin rəsmi saytı məlumat yayıb.

Azərbaycan milli komandasının üzvü ilə 2029-ccu ilin yayına kimi nəzərdə tutulan müqavilə imzalanıb. "Transfermarkt" saytının məlumatına görə, "Kolambus Krü" 21 yaşlı hücumçu üçün Azərbaycan klubuna 2,5 milyon avro təzminat ödəyib.

Qeyd edək ki, Nəriman Axundzadə bu mövsüm "Qarabağ"ın heyətində keçirdiyi 26 oyunda 7 qol vurub, 3 qol ötürməsi edib.