UEFA Millətlər Liqasında IV tura yekun vurulub.
Matc.az xəbər verir ki, turun sonuncu oyun günündə 10 qarşılaşma baş tutub.
A Liqasının III qrupunda mərkəzi qarşılaşmada "Xorvatiya" doğma meydanda "İspaniya"ya 1:2 hesabı ilə məğlub olub, "İngiltərə" isə "Çexiya" üzərində 3:0 hesablı rahat qələbə qazanıb.
B Liqasının I qrupunda "Şotlandiya" öz evində "Sloveniya"ya 1:2 hesabı ilə uduzub, "İsveçrə" isə "Şimali Makedoniya"nı üç cavabsız qolla (3:0) üstələyib.
C Liqasının I qrupunda "Belarus" "Finlandiya"ya minimal hesabla (1:0) qalib gəlib, "Albaniya" isə "San-Marino"nu 2:1 hesabı ilə məyus edib. III qrupda "Qazaxıstan" və "Farer adaları" məhsuldar bərabərliyə (2:2) razılaşıblarsa, "Moldova" öz meydanında "Slovakiya"ya böyük hesabla (0:4) uduzub.
Nəhayət, IV qrupda "Estoniya" və "İslandiya" qolsuz bərabərliyə (0:0) imza atıb, "Lüksemburq" isə evdə "Bolqarıstan"a 0:2 hesabı ilə yenilib.
UEFA Millətlər Liqası
Qrup mərhələsi, IV tur
6 oktyabr
A Liqası, III Qrup
Xorvatiya – İspaniya - 1:2
İngiltərə – Çexiya - 3:0
B Liqası, I Qrup
Şotlandiya – Sloveniya - 1:2
İsveçrə – Şimali Makedoniya - 3:0
C Liqası, I Qrup
Belarus – Finlandiya - 1:0
Albaniya – San-Marino - 2:1
C Liqası, III Qrup
Qazaxıstan – Farer adaları - 2:2
Moldova – Slovakiya - 0:4
C Liqası, IV Qrup
Estoniya – İslandiya - 0:0
Lüksemburq – Bolqarıstan - 0:2













