Portuqaliya millisinin yarımmüdafiəçisi Ruben Neveş ötən ilin yayında Avropanın Top-klublarından təkliflər aldığını etiraf edib. Matc.az xəbər verir ki, Səudiyyə Ərəbistanının “Əl-Hilal” klubunun futbolçusu xüsusən iki variantın baş tutmadığını açıqlayıb.

O, “Barselona” və “Arsenal”ın təklifini qəbul etmədiyi üçün peşmandı: “Keçən yay üç Avropa klubuna qoşulmağa yaxın idim, amma baş vermədi. “Barselona” variantı real idi, keçidə yaxın idim. Ardından “Arsenal”la bağlı da eyni hal yaşandı. Ancaq təəssüf ki, sonda transfer reallaşmadı”.

Qeyd edək ki, Ruben Neveş mövsümün əvvəlində 55 milyon avro qarşılığında “Vulverhempton”dan “Əl”Hilal"a keçib.