"Real"ın növbəti yay transfer pəncərəsi üçün hədəfləri məlum olub.

Matc.az xəbər verir ki, bu barədə AS məlumat yayıb. 

Klub müdafiə xəttini gücləndirmək üçün üç oyunçu, hücum xəttinə isə bir futbolçu almağı hədəfləyir. 

Madrid təmsilçisi "Liverpul"un sağ cinah müdafiəçisi Trent Aleksander-Arnold, "Bavariya"nın sol cinah müdafiəçisi Alfonso Deyvis və "Bayer"in mərkəz müdafiəçisi Conatan Ta ilə müqavilə imzalamaq istəyir. Eyni zamanda, "Kral klubu" bu oyunçuları pulsuz transfer edə bilər, çünki onların hazırkı klubları ilə müqavilələri 2025-ci ilin yayına qədərdir.

Bundan əlavə, "Real" "Bayer"lə müqaviləsi 2027-ci ilin yayında başa çatacaq hücumameyilli yarımmüdafiəçi Florian Virtzi də almaqda maraqlıdır.