"Komo"nun İspaniya "Betis"inin cinah yarımmüdafiəçisi Xesus Rodriqeslə güclənib.

Matc.az xəbər verir ki, bu barədə İtaliya klubunun rəsmi saytı məlumat paylaşıb.

Bildirilir ki, 5 illik müqavilə imzalayan 19 yaşlı futbolçu üçün italyanlar 22,5 milyon avro ödəyib.

Qeyd edək ki, Rodriqes "Betis"in əsas komandasında ötən mövsüm debüt edib və bütün turnirlərdə keçirdiyi 24 oyunda 2 qol vurub və eyni sayda məhsuldar ötürmə edib.