"Fənərbaxça" PSJ-dən Milan Şkrinyarın keçidini həll edib.

Matc.az xəbər verir ki, bu barədə Super Liqa nəhənginin mətbuat xidməti məlumat yayıb.

"Fənərbaxça" slovakiyalı futbolçu üçün Fransa klubuna 7 milyon avro təzminat ödəyəcək. 30 yaşlı mərkəz müdafiəçisi ilə 4 illik müqavilə imzalanıb.

Qeyd edək ki, Milan Şkrinyar ötən mövsümün ikinci yarısında icarə əsasında "Fənərbaxça"da çıxış edib. Təcrübəli oyunçu İstanbul təmsilçisinin heyətində keçirdiyi 23 oyunda 3 qol vurub, 2 qol ötürnəsi edib.