"Beşiktaş"ın yarımmüdafiəçisi Vilfred Ndidi İngiltərəyə qayıda bilər.

Matc.az xəbər verir ki, bu barədə "sporx.com" saytı məlumat yayıb.

"Mançester Yunayted" nigeriyalı futbolçunu transfer etmək istəyir. "Qırmızı şeytanlar" 29 yaşlı dayaq yarımmüdafiəçisini heyətinə qatmaq üçün İstanbul klubuna qapıçı Altay Bayındırı təklif edəcəklər.

Qeyd edək ki, "Beşiktaş" Vilfred Ndidini mövsümün əvvəlində "Lester Siti"dən transfer edib. Təcrübəli oyunçu "ağ-qaralar"ın heyətində keçirdiyi 24 oyunda 2 qol vurub, 1 qol ötürməsi edib.