Almaniya millisində qapıçı qalmaqalına baş məşqçi Yoahim Löv münasibət bildirib. Matc.az saytının xarici mətbuata istinadən məlumatına görə, təcrübəli çalışdırıcı 1 nömrəli qapıçı məsələsində "Bavariya"nın kapitanı Manuel Noyerə üstünlük verdiyini açıqlayıb.

Löv "Barselona"nın qolkiperi Mark-Andre ter Ştegenin etirazını qəbul etməyib: "Artıq neçənci dəfədi deyirəm: Manuel Noyer bizim kapitanımızdı və gözlənilməz bir şey olmasa, hazırkı mərhələdə bir nömrəli qapıçımızdı".

Qeyd edək ki, ter Ştegen bir müddət əvvəl millidə əsas qapıçı olmağa layiq olduğunu bildirmişdi.