27 Avqust 2020, 18:43
AVROPA LİQASI

Azərbaycanlı FİFA referisi Rəhim Həsənov Avropa Liqasının oyununu idarə edib.
 
Matc.az xəbər verir ki, həmyerlimizin rəhbərlik etdiyi hakimlər briqadası 1-ci təsnifat mərhələsində Lüksemburqda yerli "Proqress" və Monteneqronun "Zeta" klubları arasındakı görüşdə iş başında olub.
 
Lüksemburqluların 3:0 hesablı qələbəsiylə başa çatan matçda Həsənov meydan sahiblərinin 4, qonaqların 3 futbolçusunu sarı vərəqə ilə cəzalandırıb. Bundan əlavə, o, 55-ci dəqiqədə qonaqların qapısına penalti təyin edib.
 
Həsənova yan xətt hakimləri Mübariz Haşımov və Pərvin Talıbov kömək edib. Dördüncü hakim funksiyasını isə Elçin Məsiyev yerinə yetirib.

XƏBƏRİ PAYLAŞ
  • gplus
  • pinterest