29 Avqust 2020, 18:01
AVROPA LİQASI

UEFA Avropa Liqasının 1-ci təsnifat mərhələsi çərçivəsində keçirilməli olan və təxirə salınan "Makkabi" (Hayfa, İsrail) - "Jelezniçar" (Bosniya və Herseqovina) oyunu ilə bağlı qərarını açıqlayıb. 
 
Matc.az xəbər verir ki, qurum hər iki kluba məktub göndərib və matçın İsraildə gerçəkləşəcəyini bildirib. 
 
Qarşılaşma sentyabrın 12-dək baş tutmalı, tərəflər tarixi və görüşün saatını razılaşdırmalıdırlar. Bosniya və Herseqovina təmsilçisi qərara etiraz edəcəyini açıqlayıb. Klub matçın neytral meydanda olmasını istəyir. 
 
Qeyd edək ki, "Jelezniçar"ın 6 futbolçusu koronavirusa yoluxduğu üçün avqustun 27-nə planlaşdırılan oyun təxirə salınıb. Həmin günə nəzərdə tutulan "Nomme Kalyu" (Estoniya) – "Mura" (Sloveniya) qarşılaşması da hər iki komandanın futbolçularında koronavirus aşkarlandığına görə təxirə salınıb. Amma bu oyunla bağlı yekun qərar hələ açıqlanmayıb.

XƏBƏRİ PAYLAŞ
  • gplus
  • pinterest